'సైరా' తర్వాత మెగాస్టార్ చిరంజీవి కొరటాల శివ దర్శకత్వంలో తెరకెక్కనున్న సంగతి తెలిసిందే. ఈ చిత్రాన్ని మ్యాట్నీ మూవీస్ సంస్థతో కలిసి రామ్ చరణ్ నిర్మిస్తున్నాడు. ఇందులో త్రిషను హీరోయిన్‌గా తీసుకుంటున్నారని ప్రచారం జరుగుతోంది. కొరటాల మార్క్ మిస్ అవకుండా ఈ సినిమా రూపొందుతుందని టాక్. ఈ సినిమా దేవాలయ భూముల ఆక్రమణలపై పోరాడే వ్యక్తికి సంబంధించిన కథతో తెరకెక్కుతుందని ఎప్పటి నుంచో ప్రచారం జరుగుతున్నాయి.

ఈ సినిమా గురించి తాజాగా ఓ వార్త హాట్ టాపిక్ అవుతోంది. మాస్ లవర్స్ కోసం ఇందులో ఓ స్పెషల్ సాంగ్‌ను పెట్టబోతున్నారట. ఈ పాట కోసం యంగ్ హీరోయిన్ రెజీనా కసాండ్రాను తీసుకొస్తున్నారని సమాచారం. రెజీనా మంచి నటి అనిపించుకున్నా.. బిజీ హీరోయిన్ కాలేకపోయింది. ఐతే, ఐటమ్ సాంగ్స్ మాత్రం చేయలేదు. మెగాస్టార్ సినిమాలో ఐటమ్ ఆఫర్ రావడంతో రెజీనా కాదనలేకపోయిందని తెలుస్తోంది.