89 సవరణలతో ఇక దుబాయ్ లో సురక్షిత రోడ్లను నూతన కూడళ్ళను నిర్మించడానికి రహదారులు
    మరియు రవాణా అధికారులు యోచిస్తున్నారు, ఒక అధ్యయనం  ఆధారంగా దుబాయ్ రోడ్ అండ్
    ట్రాన్స్పోర్ట్  అధికారులు ఈ చర్యలను తీసుకోనున్నారు. దీని ప్రకారం 29 ప్రాంతాల్లో ట్రాఫిక్ రద్ది నిత్యం
    ఉంటుందని, అలాగే మరో 60 ప్రాంతాల్లో వాహన ప్రమాదాలు తరుచూ జరుగుతున్నట్లు గుర్తించారు.
    త్వరితగతిన ట్రాఫిక్ పరిష్కారాల కోసం  రహదారులు మరియు రవాణా అధికారులు ఒక ప్రణాళికను      
    దుబాయి రోడ్లపై భద్రతాస్థాయి అభివృద్ధి కోసం మరో ప్రణాళికను ప్రతిపాదించారు. పలు సందర్బాలలో
    ట్రాఫిక్ చిహ్నాలను వాహనదారులు సరిగా గుర్తించకపోవడం , అతి వేగంగా వాహనాలను నడపడం ,
    ప్రమాదమని సూచించే ఎర్రని దీపాలను గమనించకపోవడం తదితర కారణాలతో దుబాయ్ 
    రహదారులపై ప్రమాదాలు జరుగుతున్నాయి. దుబాయ్ రోడ్ అండ్ ట్రాన్స్పోర్ట్  అధికారులు జరిపిన
    అధ్యయనం  ప్రకారం 60 ప్రాంతాలను గుర్తించి వాటిని ఆధునీకరించేందుకు మెరుగైన చర్యలు 
    తీసుకోనున్నారు. ట్రాఫిక్ నిబంధనలను అతిక్రమించేవారిని రాడార్ వ్యవస్థ ద్వారా గుర్తించి వారిని
    పట్టుకోనున్నామని పేర్కొంటూ , పాదాచారులు నడిచేందుకు మరో మార్గాన్ని సైతం నిర్మించనున్నట్లు
    అధికారులు తెలిపారు.