మస్కట్‌:రాయల్‌ ఒమన్‌ పోలీస్‌, హిట్‌ అండ్‌ రన్‌కి పాల్పడిన ఓ వ్యక్తిని అరెస్ట్‌ చేశారు. సైక్లిస్ట్‌ని తన వాహనంతో నిందితుడు బలంగా ఢీ కొట్టి అక్కడి నుంచి తన వాహనంతో పరారయినట్లు అధికారులు తెలపిఆరు. రాయల్‌ ఒమన్‌ పోలీస్‌ ఈ మేరకు ఓ ప్రకటన విడుదల చేసింది. నార్త్‌ అల్‌ బతినా పోలీస్‌ కమాండ్‌, నిందితుడ్ని అరెస్ట్‌ చేసినట్లు ఆ ప్రకటనలో పేర్కొన్నారు. ఫిబ్రవరి 11న హిట్‌ అండ్‌ రన్‌కి సంబంధించి పోలీసులకు ఫిర్యాదు అందింది. గాయపడ్డ వ్యక్తిని వెంటనే ఆసుపత్రికి తరలించారు. అనంతరం విచారణ ప్రారంభించారు. కేవలం 24 గంటల్లోనే నిందితుడ్ని అరెస్ట్‌ చేయడం జరిగింది.