అజ్మాన్ పోలీస్, అత్యవసర సమయాల్లో స్పందించే సమయాన్ని గణనీయంగా తగ్గించగలిగారు. కేవలం ఆరు నిమిషాలకు దీన్ని తీసుకురాగలిగారు. డైరెక్టర్ ఆఫ్ ఆపరేషన్స్ డిపార్టమెంట్ లెఫ్టినెంట్ కల్నల్ హిషామ్ అబ్దుల్లా అబు షిహాబ్ మాట్లాడుతూ, అజ్మాన్ పోలీస్ ఈ అరుదైన ఘనత సాధించడం వెనుక చాలా కష్టం దాగి వుందని అన్నారు. ఎమిరేట్ లోని పలు ప్రాంతాల్లో పోలీస్ పెట్రోల్స్ కి సంబంధించి 10 కీలకమైన ఫోకస్ పాయింట్లను రూపొందించుకుని, వాటికి అనుగుణంగా ప్రణాళిక చేపట్టామనీ, మొత్తం 60 సేఫ్టీ మరియు సెక్యూరిటీ పెట్రోల్స్, 40 ట్రాఫిక్ పెట్రోల్స్ ఇంటిగ్రేషన్ తో ఈ ఘనతను సాధించగలిగామని చెప్పారాయన. రేడియో వేవ్ డివైజ్లు, సమగ్రమైన అవగాహన, సమాచారం సకాలంలో ఇచ్చిపుచ్చుకోవడం వంటి వాటి ద్వారా క్విక్ రెస్పాన్స్ సాధ్యమవుతోందని పోలీస్ ఉన్నతాధికారులు తెలిపారు.