మదీనా: సౌదీ గన్ మెన్ తో జరిగిన కాల్పుల నేపథ్యంలో ముగ్గురు సెక్యూరిటీ సిబ్బందికి తీవ్రగాయాలయ్యయి. ఈ మేరకు మదీనా రీజియన్ పోలీస్ అధికార ప్రతినిథి ఓ ప్రకటన విడుదల చేశారు. సెక్యూరిటీ సిబ్బందిపై కాల్పులు జరుపుతూ నిందితుడు పారిపోయేందుకు ప్రయత్నించగా, అతన్ని నిలువరించే ప్రయత్నంలో సెక్యూరిటీ సిబ్బంది గాయపడ్డారు. అంతకు ముందు నిందితుడి కాల్పులపై సెక్యూరిటీ సిబ్బందికి సమాచారం అందడంతో, అతన్ని నిలువరించేందుకు బారికేడ్లను ఏర్పాటు చేశారు సెక్యూరిటీ సిబ్బంది. ఈ ఘటనలో గాయపడ్డ సెక్యూరిటీ సిబ్బందికి వైద్య చికిత్స అందుతోంది. నిందితుడి వివరాల్ని తెలుసుకునేందుకు ప్రయత్నిస్తున్నట్లు అధికారులు తెలిపారు. నిందితుడు కాల్పులు జరపడానికి గల కారణాలేమిటి.? అన్నదానిపైనా అధికారులు ఆరా తీస్తున్నారు.