స్మార్ట్ సిటీలుగా తీర్చిదిద్దేందుకు దేశవ్యాప్తంగా ఎంపికచేసిన 20 ప్రధాన నగరాల జాబితాను కేంద్ర ప్రభుత్వం నేడు ప్రకటించనుంది. 97 నగరాలు స్మార్ట్ సిటీల జాబితాలో పోటీపడ్డాయి. మొదట దఫాలో భాగంగా విజేతలుగా ఎంపిక చేసిన 20 ప్రధాన నగరాల జాబితాను నేడు ప్రకటించనున్నట్లు కేంద్ర పట్టణాభివృద్ధిశాఖ మంత్రి వెంకయ్యనాయుడు తెలిపారు. నీళ్లు, విద్యుత్ సరఫరా, మురుగునీటి పారుదల, వ్యర్థాల నిర్వహణ, ప్రజా రవాణా, ఐటీ కనెక్టివిటీ, ఇ-గవర్నెస్, సమర్థవంతమైన పట్టణ చైతన్యం, పౌరుల భాగస్వామ్యం వంటి తదితర విభాగాల్లో స్మార్ట్ సిటీగా ఎంపికైన నగరాన్ని అభివృద్ధి పరుచనున్నారు.