మనామా:బహ్రెయిన్ లో ఓ కార్ మెకానిక్ డాక్టర్ అవతారమెత్తాడు. వైద్యంలో ఎలాంటి డిగ్రీ లేకున్నా..ప్రస్తుత లాక్ డౌన్ పరిస్థితులను అనుకూలంగా మార్చుకున్నాడు. కరోనా వైరస్ ప్రబలుతుండటంతో ప్రజల్లో నెలకొన్న భయాన్ని క్యాష్ చేసుకుంటూ తనకు వచ్చీరాని వైద్యం ప్రారంభించాడు. వ్యాపారం గిట్టుబాటు కావటంతో అతని కార్ షెడ్డునే క్లినిక్ గా మార్చేశాడు. అరద్ పారిశ్రామిక వాడలో ఈ ఘటన చోటు చేసుకుంది. చుట్టుపక్కల వారీకి మాయమాటలు చెప్పి అసియాకు చెందిన దొంగ డాక్టర్ ఎదో ఒక మాత్రలు ఇస్తూ వైద్యం కొనసాగిస్తున్నాడు. అయితే..స్థానిక ప్రజలు నకిలీ డాక్టర్ బాగోతంపై పోలీసులకు సమాచారం అందించారు. దీంతో రంగంలోకి దిగిన పోలీసులు తనిఖీలు చేపట్టి అతన్ని రెడ్ హ్యాండెడ్ గా పట్టుకున్నారు. కొన్ని ఎలక్ట్రిక్ పరికరాలు, మెడిసిన్స్ స్వాధీనం చేసుకున్నారు. 

--రాజేశ్వర్(మాగల్ఫ్ ప్రతినిధి,బహ్రెయిన్)