దుబాయ్: ఒకే కారులో ఒకే కుటుంబానికి చెందినవారు ముగ్గురి కంటే ఎక్కువ వున్నప్పటికీ వారిపై జరీమానాలు వుండవని దుబాయ్ పోలీస్ స్పష్టం చేశారు. దుబాయ్ పోలీస్ ట్రాఫిక్ డిపార్ట్ మెంట్ డైరెక్టర్ జనరల్ బ్రిగేడియర్ సైఫ్ ముహైర్ అల్ మజ్రోయి మాట్లాడుతూ, కుటుంబ సభ్యులు లేదా ఫస్ట్ గ్రేడ్ సంబంధీకులు వుంటే, వారికి జరీమానాల నుంచి మినహాయింపు వుంటుందని చెప్పారు. లేని పక్షంలో 1000 దిర్హామ్ ల జరీమానా విధిస్తారు. నిబంధనల కారణంగా చిన్న పిల్లలను ఇంటి వద్ద వదిలేస్తే వచ్చే ఇబ్బందులను పరిగణనలోకి తీసుకుని, ఈ వెసులుబాటు కల్పించినట్లు దుబాయ్ పోలీస్ పేర్కొంది. యూఏఈ అంతటా ఈ నిర్ణయం వర్తిస్తుంది.