రామ్‌చరణ్ మంచి దూకుడు మీద ఉన్నారని చెప్పాలి. ఎందుకంటే, ఏకంగా రెండు సినిమాలకు గ్రీన్ సిగ్నల్ ఇచ్చేశారు. 'బ్రూస్‌లీ' తర్వాత తమిళ హిట్ 'తని ఒరువన్' తెలుగు రీమేక్‌లో నటించడా నికి రామ్‌చరణ్ అంగీకరించిన విషయం తెలిసిందే. సురేందర్‌రెడ్డి దర్శకత్వంలో రూపొందనున్న ఈ చిత్రం త్వరలో సెట్స్‌కి వెళ్లనుంది. ఇప్పుడు చెర్రీ మరో చిత్రానికి పచ్చజెండా ఊపారని సమాచారం. ఇంటెలిజెంట్ డెరైక్టర్‌గా పేరు తెచ్చుకున్న సుకుమార్ దర్శకత్వంలో ఆయన సినిమా చేయనున్నారు. ఓ అగ్రనిర్మాత ఈ చిత్రాన్ని నిర్మించనున్నారు. మరి.. 'తని ఒరువన్' రీమేక్‌తో పాటు సుక్కు చేయబోయే చిత్రం కూడా సెట్స్‌కి వెళుతుందా?ఆ చిత్రం షూటింగ్ సగం పూర్తయ్యాక ఈ చిత్రాన్ని మొదలుపెడతారా? అనేది తెలియాల్సి ఉంది. ఒకవేళ ఒక సినిమా తర్వాత మరొకటి చేసినా మరో ఏడాదిలో ఈ రెండు చిత్రాలూ విడుదలయ్యే అవకాశం ఉందని ఊహించవచ్చు.