యూ.ఏ.ఈ:ఫుజైరా నగరంలో జరిగిన రోడ్డు ప్రమాదంలో ఓ మహిళతో పాటు మరో ట్రక్ డ్రైవర్ కు గాయాలయ్యాయి. వాళ్లిద్దర్ని ఫుజైరాలోని ఆస్పత్రిలో చేర్పించి చికిత్స అందిస్తున్నారు. షేక్ మఖ్తూమ్ రోడ్, ఫుజైరా నౌకాశ్రయం రోడ్డును కలిపే యబ్సా బైపాస్ రోడ్డు ఈ ప్రమాదం చోటు చేసుకున్నట్లు పోలీసులు వెల్లడించారు. మహిళ కారులో వెళ్తుండగా ఫుజైరా నౌకాశ్రయం వైపు వెళ్తున్న భారీ ట్రక్కు ఒక్కసారిగా ఓవర్ టర్న్ తీసుకోవటం ప్రమాదానికి కారణమైంది. ఒక్కసారిగా మలుపు తిప్పటంతో అదుపుతప్పిన ట్రక్కు కారుపై బోల్తాపడిందని..దీంతో కారులో ఉన్న మహిళతో పాటు ట్రక్ డ్రైవర్ కు కూడా గాయలయ్యాయని పోలీసులు తెలిపారు.