దోహా:మినిస్ట్రీ ఆఫ్‌ పబ్లిక్‌ హెల్త్‌, కొత్త ఆన్‌లైన్‌ సర్వీసుని ఫుడ్‌ సర్టిఫికెట్‌ ఫీజు చెల్లింపు కోసం అందుబాటులోకి తెచ్చింది. https://www.moph.gov.qa వెబ్ సైట్ లోకి తొలుత ఎంటర్ అవ్వాల్సి వుంటుంది. పోర్ట్స్‌ హెల్త్‌ అండ్‌ ఫుడ్‌ కంట్రోల్‌ సెక్షన్‌లో ఈ ఆన్‌లైన్‌ సర్వీసు అందుబాటులో వుంటుంది. ఇ-పే ఫర్‌ ఫుడ్‌ సర్టిఫికెట్స్‌ సర్వీస్‌ పేరుతో దీన్ని పొందుపరుస్తున్నారు. ఫుడ్‌ ఇంపోర్టర్స్‌ మరియు కస్టమ్స్ క్లియరెన్స్‌ కంపెనీలు, ఎలక్ట్రానిక్‌ ఫామ్ ని పూర్తి చేసి, అవసరమైన సర్టిఫికెట్‌ని ఎంచుకుని, ఇ-పేమెంట్‌ విధానం ద్వారా చెల్లింపులు జరిపితే, ఫోన్‌ లేదా ఇ-మెయిల్‌ ద్వారా సంబంధిత సమాచారం లభిస్తుంది.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)