రియాద్:ప్రవాసీయుడిని అవమానించేలా అసభ్య పదజాలంతో దూషించటమే కాకుండా శారీరకంగా  దాడికి తెగబడిన సౌదీ వ్యక్తిని పోలీసులు అరెస్ట్ చేశారు. ప్రవాసీయుడు ధరించిన ఫేస్ మాస్క్ విషయంలో ఈ దాడి జరిగింది. సౌదీలో సాంప్రదాయకంగా తలపై వాడే షేమఘ్ కు వినియోగించే వస్త్రాన్నే..ప్రవాసీయుడు ఫేస్ మాస్క్ గా ధరించాడు. దాన్ని చూసి..కోపంతో ఊగిపోయిన సౌదీ వ్యక్తి ప్రవాసీయుడిని పరుష పదజాలంలో దూషించాడు. అంతేకాక అతనిపై దాడి చేశాడు. అయితే..ఈ వీడియో కాస్త సోషల్ మీడియాలో వైరల్ కావటంతో పోలీసులు సౌదీ వ్యక్తిపై చర్యలు చేపట్టారు. అతనిపై కేసు నమోదు చేసి అరెస్ట్ చేశారు. సౌదీలో వివక్షకు తావు లేదని, ప్రతి ఒక్కరు బాధ్యతగా నడుచుకోవాల్సిందేనని పోలీసులు హెచ్చరించారు. ఇతరులతో మాట్లాడేటప్పుడు గౌరవంగా వ్యవహరించాలని, నైతిక విలువలు పాటించాలని సూచించారు. అంతా ఒక్కటే అనే స్ఫూర్తిని చాటేలా మసలుకోవాలాన్నారు. ఇలాంటి దాడులను సహించబోమని హెచ్చరించారు.