దుబాయ్‌: ఓ కార్మికుడు, 13 ఏళ్ళ బాలికపై అత్యాచారానికి యత్నించినట్లు అభియోగాలు ఎదుర్కొంటున్నాడు. బాలిక తండ్రి, తన కుమార్తె ప్రవర్తనలో మార్పు రావడంతో ఆమెను విచారించగా, తాను ఓ వ్యక్తితో ప్రేమలో వున్నట్లు తెలిపిందనీ, ఈ విషయమై పోలీసులకు ఫిర్యాదు చేశారనీ అధికారులు వివరించారు. బర్‌ దుబాయ్‌ పోలీస్‌ స్టేషన్‌లో ఈ మేరకు కేసు నమోదయ్యింది. విచారణ సందర్భంగా 27 ఏళ్ళ పాకిస్తానీ కార్మికుడ్ని పోలీసులు అరెస్ట్‌ చేశారు. తనకు ఆ బాలికతో ఇల్లీగల్‌ ఎఫైర్‌ వుందనీ, మూడుసార్లు ఆ ఎఫైర్‌ కొనసాగించానని నిందితుడు విచారణలో అంగీకరించాడు. సోషల్‌ మీడియా ద్వారా ఆ బాలిక తనకు పరిచయమయినట్లు నిందితుడు వివరించాడు. కాగా, నిందితుడికి కరినమైన శిక్ష విధించాలని ప్రాసిక్యూషన్‌ కోరింది. జూన్‌ 25న ఈ కేసుకి సంబంధించిన తుది తీర్పు వచ్చే అవకాశముంది.