జెడ్డా: సౌదీ పోర్ట్స్‌ అథారిటీ (మవాని), ఫస్ట్‌ డైరెక్ట్‌ షిప్పింగ్‌ లైన్‌ కనెక్షన్‌ - యూఏఈ జబెల్‌ అలి పోర్ట్‌ - ఈజిప్ట్‌ షోక్నా పోర్ట్‌ (జెడ్డా ఇస్లామిక్‌ పోర్ట్‌ ద్వారా) లైన్‌ని ప్రారంభిస్తున్నట్లు వెల్లడించింది. డిపి వరల్డ్‌ భాగస్వామ్యంతో ఈ ప్రాజెక్ట్‌ చేపట్టబడింది. 2020లో మవాని ద్వారా ప్రారంభించబడిన నాలుగో షిప్పింగ్‌ లైన్‌ ఇది. సౌదీ పోర్ట్స్‌ని రీజినల్‌ అలాగే గ్లోబల్‌ కౌంటర్‌పార్ట్స్‌తో అనుసందానించే క్రమంలో ఈ కొత్త లైన్స్‌ ఉపయోగపడ్తాయని మవానీ చెబుతోంది. ఈ ఒప్పందం ప్రకారం డిపి వరల్డ్‌, జెడ్డా ఇస్లామిక్‌ పోర్ట్‌ని అప్‌గ్రేడ్‌ చేస్తుంది. మవాని ప్రెసిడెంట్‌ సాబ్‌ అల్‌ ఖాల్బ్‌ మాట్లాడుతూ, ఈ విభాగంలో మరిన్ని అద్భుతమైన ప్రాజెక్టులు పూర్తి చేస్తామని చెప్పారు. ఈ షిప్పింగ్‌లైన్‌తో అరబ్‌ సమాజానికి ఎంతో మేలు కలుగుతుందని డిపి వరల్డ్‌ గ్రూప్‌ ఛైర్మన్‌ మరియు సీఈఓ సుల్తాన్‌ అహ్మద్‌ బిన్‌ సులాయెమ్ చెప్పారు.