కువైట్ సిటీ: విజిట్‌, రెసిడెన్సీ వీసాల‌పై కువైట్ తాజాగా కీలక నిర్ణ‌యం తీసుకుంది. మ‌హ‌మ్మారి కోవిడ్ వ‌ల్ల దేశంలో చిక్కుకుపోయిన ప్ర‌వాసుల‌కు ఊర‌ట‌నిచ్చేలా అన్ని విజిట్‌, రెసిడెన్సీ వీసాల గ‌డువును మూడు నెల‌లు పెంచుతున్న‌ట్లు అంతర్గత మంత్రిత్వశాఖ వెల్ల‌డించింది. ఈ నెల 31తో గ‌డువు ముగియ‌నున్న విజిట్‌, రెసిడెన్సీ వీసాదారుల‌కు ఇది వ‌ర్తిస్తుంద‌ని పేర్కొంది. మంత్రిత్వ శాఖలు, రాష్ట్ర సంస్థలు తిరిగి తెర‌చుకున్న‌ తరువాత రెసిడెన్సీ వ్యవహారాల విభాగాలలో సందర్శకుల రద్దీని త‌గ్గించేందుకు కూడా ఇది తోడ్పడుతుంద‌ని అధికారులు తెలిపారు.