రియాద్:సౌదీ అరేబియాలో కరోనా తీవ్రత కొనసాగుతోంది. వైరస్ బారిన పడి మరో 33 మంది ప్రాణాలు కొల్పోయారు. దీంతో కింగ్డమ్ పరిధిలో కరోనా మృతుల సంఖ్య 4,015కి చేరింది. మరోవైపు సౌదీ వ్యాప్తంగా కొత్తగా 822 మందికి వైరస్ సోకింది. ఆరోగ్య శాఖ వెల్లడించిన వివరాల మేరకు జెడ్డాలో 48, మక్కాలో 48, దమ్మమ్ 45, రియాద్ 41, మదీనాలో 40 కోవిడ్ 19 కేసులు నమోదయ్యాయి. కరోనా బారిన వారి సంఖ్యతో పాటు కోలుకుంటున్న వారి సంఖ్య కూడా క్రమంగా పెరుగుతోంది. లేటెస్ట్ గా మరో 1,099 మంది వైరస్ బారి నుంచి కోలుకున్నారు. దీంతో ఇప్పటివరకు కరోనా నుంచి కోలుకున్నవారి సంఖ్య 2,95,063 మందికి చేరింది.