ఖతార్‌ ఎయిర్‌ వేస్‌, నేషనల్‌ స్పోర్ట్స్‌ డే సందర్భంగా నాలుగు రోజులపాటు అద్భుతమైన ప్రమోషనల్‌ ఆఫర్స్‌ని ప్రయాణీకులకు ప్రకటించింది. ఖతాస్‌ ఎయిర్‌వేస్‌ నిర్వహణలో వున్న నాలుగు డెస్టినేషన్స్‌కి 40 శాతం విమాన ఛార్జీల్లో తగ్గింపు ఇవ్వనున్నట్లు వెల్లడించింది. యూరోప్‌, మిడిల్‌ ఈస్ట్‌, ఆసియా పసిఫిక్‌, ఆఫ్రికా మరియు అమెరికా డెస్టినేషన్లకు ఈ ఆఫర్‌ వర్తిస్తుంది. నిన్న రాత్రి 00.00 గంటల నుంచి శుక్రవారం 23.59 నిమిషాల వరకు (దోహా టైమింగ్స్‌) వరకు బుకింగ్‌ టైమ్‌ ఉంటుంది. శుక్రవారం లోగా బుక్‌ చేసుకున్నవారికి జూన్‌ 25 వరకు ఆఫర్‌ ధరలపై ప్రయాణించే వీలుంది. ప్రివిలేజ్‌ క్లబ్‌ మెంబర్స్‌ డబుల్‌ క్యూ పాయింట్స్‌ ఈ ప్రమోషన్‌ సందర్భంగా పొందే వీలుంది. అయితే షరతులు వర్తిస్తాయి. ఖతార్‌ ఎయిర్‌ వేస్‌ గడచిన 19 ఏళ్ళలో అద్భుతమైన ప్రగతి సాధించింది. 176 అధునాతనమైన విమానాలతో, 150 ముఖ్యమైన డెస్టినేషన్స్‌తో ప్రయాణీకులకు సేవలందిస్తోంది.