హైదరాబాద్:తెలంగాణ వ్యాప్తంగా నిన్న రాత్రి నుంచి కుండపోత వర్షాలు కురుస్తున్నాయి. దీంతో రాష్ట్రం తడిసి ముద్దైంది. కొన్ని ప్రాంతాల్లో ఎడతెరిపి లేకుండా వర్షం పడుతోంది.  వర్షాల నేపథ్యంలో కలెక్టర్లతో  సీఎస్ సోమేశ్ కుమార్ సమీక్ష నిర్వహించారు.  భారీ వర్షాల కురుస్తున్నందున అప్రమత్తంగా ఉండాలని జిల్లా కలెక్టర్ లకు సీఎస్‌ సోమేశ్ కుమార్ ఆదేశాలు జారీ చేశారు. జిల్లా కేంద్రాల్లోనే ఉంటూ పరిస్థితులు తెలుసుకొని, ప్రజలను అప్రమత్తం చేస్తూ ఎప్పటికప్పుడు సమాచారం ఇవ్వాలని ఆదేశించారు.   భారీ వర్షాలు, వరదల దృష్ట్యా అధికారులకు సెలవులు రద్దు చేస్తూ ఉత్తర్వులు జారీ చేశారు.  ప్ర‌జ‌ల‌కు ఇబ్బంది క‌ల‌గ‌కుండా చ‌ర్య‌లు చేప‌ట్టాల‌ని ఆయ‌న అధికారుల‌ను సూచించారు. ఇక రానున్న 24 గంటలు దక్షిణ తెలంగాణ జిల్లాల్లో భారీ నుంచి అతిభారీ కురిసే అవకాశముందని వాతావరణ శాఖ తెలిపింది.

--హరి(మాగల్ఫ్ ప్రతినిధి,తెలంగాణ)