హైదరాబాద్:ప్రవాస భారతీయురాలైన రాధికా జయంతి దర్శకత్వంలో తెర‌కెక్కిన చిత్రం `మాయ`. సంధ్య బయిరెడ్డి ప్ర‌ధాన పాత్ర‌ పోషించ‌గా, రోహిణి కుమార్, అభిషేక్, ఐడా, మధు, మహిమా ఇత‌ర  పాత్రధారులుగా నటించారు. రేస‌న్ ప్రొడ‌క్ష‌న్స్‌, విఆర్ ప్రొడ‌క్ష‌న్స్ ప‌తాకాల‌పై గోపికృష్ణ జ‌యంతి  నిర్మించారు.  ప్ర‌ముఖ హాలీవుడ్ సినిమాటోగ్రాఫ‌ర్ డ‌స్టిన్ లీ ఈ చిత్రానికి వ‌ర్క్ చేయ‌డం విశేషం. ఇప్ప‌టికే విడుద‌లైన ప్రీ లుక్ పోస్ట‌ర్‌కి మంచి రెస్పాన్స్ రాగా `మాయ`ఫ‌స్ట్‌లుక్‌ని ఇటీవ‌ల ప్ర‌ముఖ నిర్మాత రాజ్ కందుకూరి విడు‌ద‌ల‌చేశారు. ఈ ఫ‌స్ట్ లుక్  చాలా ఇంట్రెస్టింగ్ గా ఉండ‌డంతోపాటు సినిమా మీద క్యూరియాసి‌టీని పెంచి ప్రేక్ష‌కుల‌ని ఇంప్రెస్ చేస్తోంది. ఈ సంద‌ర్భంగా..

నిర్మాత గోపికృష్ణ జ‌యంతి‌ మాట్లాడుతూ - ``ప్రీ లుక్ కి మంచి రెస్పాన్స్ వచ్చింది. ఇప్పుడు ఫస్ట్ లుక్ కి కూడా మంచి రెస్పాన్స్ వ‌స్తున్నందుకు హ్యాపీగా ఉంది.  పూర్తిగా సినిమా ఇండ‌స్ట్రీ ప‌ట్ల ప్యాష‌నేట్ టీం తో కంప్లీట్‌గా అమెరికాలోని రిచ్ లొకేష‌న్స్‌లో `మాయ` మూవీ ని  తెర‌కెక్కించ‌డం జ‌రిగింది. మేకింగ్‌లో  హాలీవుడ్ ఇండ‌స్ట్రీలో శిక్ష‌ణ తీసుకున్న రాధిక జ‌యంతి  ఈ చిత్రం ద్వారా ద‌ర్శ‌కురాలిగా ప‌రిచ‌యం అవుతున్నారు. హాలీవుడ్ సినిమాటోగ్రాఫ‌ర్ డ‌స్టిన్ లీ విజుల‌వ్స్  త‌ప్ప‌కుండా ఆడియ‌న్స్‌ని థ్రిల్ చేస్తాయి. పలు లఘు చిత్రాలకి సంగీతం అందించిన ప్రణీత్ మ్యూజిక్ డైరెక్ట‌ర్‌గా ఈ మూవీకి త‌న బెస్ట్ మ్యూజిక్ ఇచ్చారు. ఈ  మూవీ త‌ప్ప‌కుండా ఆడియ‌న్స్‌కి ఒక మంచి ఎక్స్‌పీరియ‌న్స్ నిస్తుంది``అన్నారు.

ద‌ర్శకురాలు రాధిక జ‌యంతి మాట్లాడుతూ - ``నిర్మాతల స‌హాయంతో అమెరికాలోని రిచ్‌లోకేష‌న్స్‌లో పూర్తి సినిమా చిత్రీక‌ర‌ణ జ‌రిపాం. ఔట్‌పుట్ చాలా బాగా వ‌చ్చింది. అమెరికాలో సింగ‌ర్‌గా సుప‌రిచితుడు అయిన కార్తిక్ జ‌యంతి ఈ చిత్రానికి క‌థ అందించారు. `మిస్ భార‌త్ usa ` విన్న‌ర్ సంధ్య టైటిల్‌రోల్ పోషిస్తుండ‌గా  ఫ్యాషన్ దివా  రోహిణి, అభిషేక్ కీల‌క పాత్ర‌ల్లో న‌టిస్తున్నారు. ఒక డిఫ‌రెంట్ సస్పెన్స్ థ్రిల్ల‌ర్ గా ఈ మూవీ త‌ప్ప‌కుండా ఆడియ‌న్స్‌ని థ్రిల్ చేస్తుంది. త్వ‌ర‌లోనే టీజ‌ర్ విడుద‌ల‌చేయ‌డానికి స‌న్నాహాలు చేస్తున్నాం`` అన్నారు. 

సంధ్య బయిరెడ్డి, రోహిణి కుమార్, అభిషేక్, ఐడా, మధు, మహిమా త‌దిత‌రులు న‌టిస్తోన్న ఈ చిత్రానికి
క‌థ మరియూ రచనా సహకారం : కార్తీక్ జయంతి, వివేక్ వర్ధన్
సహాయ దర్శకత్వం : కార్తీక్ జయంతి
సినిమాటోగ్ర‌ఫి: డ‌స్టిన్ లీ,
మ్యూజిక్ : ప‌్ర‌ణీత్‌,
ఎడిటింగ్: ప్రీతూ,
పిఆర్ఓ:  సాయి స‌తీష్‌,
నిర్మాత‌లు : గోపికృష్ణ జ‌యంతి‌, రోహిణి కుమార్‌, విజయా‌ మోహన్
ద‌ర్శ‌క‌త్వం: రాధిక జ‌యంతి.