అబుధాబి: యూఏఈ జాతీయ జెండాని అవమానించినా, దుర్వినియోగం చేసినా కరిÄనమైన శిక్షలు తప్పవని హెచ్చరించింది పబ్లిక్‌ ప్రాసిక్యూషన్‌. ఈ నేరానికి 10 నుంచి 25 ఏళ్ళ వరకు జైలు శిక్ష అలాగే 500,000 దిర్హాముల వరకు జరీమానా విధించే అవకాశం వుంటుంది. అధికారిక ట్విట్టర్‌ అకౌంట్‌ ద్వారా ఈ విషయాల్ని స్టేట్‌ పబ్లిక్‌ ప్రాసిక్యూషన్‌ వెల్లడించింది. జెండా అనేది జాతీయ ఐక్యతకు గుర్తు అని ఆ ట్వీట్స్‌లో పేర్కొన్నారు. చట్టాల పట్ల అవగాహన పెంచే క్రమంలో ఈ ప్రమోషన్‌ క్యాంపెయిన్‌ని సోషల్‌ మీడియా వేదికగా చేపట్టారు. ఆర్టికల్‌ 3, ఫెడరల్‌ చట్టం నెంబర్‌ 2 ఆఫ్‌ 1971, సంబంధిత అమెండ్‌మెంట్స్‌ ప్రకారం ఉద్దేశ్యపూర్వకంగా జాతీయ జెండాని అవమానిస్తే వారిపై పైన పేర్కొన్న విధంగా చర్యలు తీసుకోబడతాయి.