హైదరాబాద్:ట్రెండ్ లౌడ్ డిజిటిల్ ఇండియా ప్రైవేట్ లిమిటెడ్ ప‌తాకంపై టాలెంటెడ్ బ్యూటీ పాయ‌ల్ రాజ్ పుత్ ముఖ్య పాత్ర‌లో తెర‌కెక్కిన చిత్రం అన‌గ‌న‌గా ఓ అతిధి. ఆహా యాప్ లో నవంబర్ 20న ఈ సినిమా విడుదల కానుంది. ఈ సినిమాలో పాయ‌ల్ తో పాటు యువ క‌థనాయ‌కుడు చైత‌న్య కృష్ణ, న‌టులు ఆనంద్ చ‌క్ర‌పాణి, వీణ సుంద‌ర్ త‌దిత‌ర‌లు కీల‌క పాత్ర‌ల్లో న‌టించారు. ద‌యాల్ ప‌ద్మనాభ‌న్ ద‌ర్శ‌క‌త్వంలో తెర‌కెక్కిన ఈ సినిమా స‌స్పెన్స్ థ్రిల్ల‌ర్ గా ప్రేక్ష‌కుల ముందుకు రాబోతుంది. ఈ చిత్రాన్ని రాజా రామ్ మూర్తి, చిదంబ‌రం న‌టీస‌న్ నిర్మించారు. అనుకోని ప‌రిస్థితుల్లో ఓ అర్ధ‌రాత్రి ఓ ఇంటికి వ‌చ్చిన అతిధి కార‌ణంగా ఎదురైయ్యే స‌మ‌స్య‌లు క‌థాంశంగా ఈ సినిమాను ద‌ర్శ‌కుడు ద‌యాల్ అత్యంత ఉత్కంఠ క‌లిగేలా రూపొందిచారు. ఈ చిత్ర ప్రెస్ మీట్ హైదరాబాద్ లో జరిగింది. 

హీరోయిన్ పాయల్ రాజ్ పుత్ మాట్లాడుతూ.. అనగనగా ఓ అతిధి చిత్రం నా కెరీర్లో ప్రత్యేకంగా మిగిలిపోతుంది. ఇప్పటి వరకు నేను నటించిన సినిమాలలో ఇది చాలా భిన్నంగా ఉంటుంది. ఓ పల్లెటూరి అమ్మాయి పాత్రలో నటించాను. విచారణ చేయడానికి చాలా హోం వర్క్ చేయాల్సి వచ్చింది. దర్శకుడు ఈ కథ చెప్పగానే నేను చాలా బాగా కనెక్ట్ అయ్యాను. ప్రేక్షకులకు కూడా ఈ సినిమా అద్భుతంగా నచ్చుతుందని నమ్మకంగా ఉన్నాను.. అని తెలిపారు.

న‌టీన‌టులు:
పాయ‌ల్ రాజ్ పుత్, చైత‌న్య కృష్ణ‌, ఆనంద్ చ‌క్ర‌పాణి, వీణ సుంద‌ర్

టెక్నికల్ టీం:
ద‌ర్శ‌కుడు: దాయల్ ప‌ద్మనాభ‌న్
ప్రొడ‌క్ష‌న్ హౌస్: ట్రెండ్ లౌడ్ డిజిటిల్ ఇండియా ప్రైవేట్ లిమిటెడ్
సినిమాటోగ్రాఫ‌ర్: రాకేష్ బి
ప్రొడ్యూస‌ర్స్: రాజా రామామూర్తి, చింద‌బ‌ర్ న‌టీశ‌న్
మ్యూజిక్ డైరెక్ట‌ర్: ఆరోల్ కోరెల్లి
రైట‌ర్: కాశీ న‌దీంప‌ల్లి