మనామా:వాహన సామర్థ్య పరీక్షలకు సంబంధించి వృద్ధులకు ప్రస్తుతం వున్న ఐదేళ్ళ లిమిట్‌ని ఏడేళ్ళకు పెంచుతూ, వృద్ధులకు వెసులుబాటు కల్పించేలా బహ్రెయిన్‌ లెజిస్లేచర్‌ ఫర్‌ఫారిన్‌ ఎఫైర్స్‌, డిఫెన్స్‌ అండ్‌ నేషనల్‌ సెక్యూరిటీ కమిటీ చేసిన సూచనల పట్ల బహ్రెయినీ ట్రాఫిక్‌ అథారిటీస్‌ అభ్యంతరం వ్యక్తం చేస్తున్నాయి. ఈ తరహా నిర్ణయం వల్ల వాహన ప్రమాదాలు పెరుగుతాయని జనరల్‌ డైరెక్టరేట్‌ ఆఫ్‌ ట్రాఫిక్‌ పేర్కొంది. వాహనాల ఫిట్‌నెస్‌ విషయంలో రాజీ పడటం, వెసులుబాట్లు కల్పించడం తగదని డైరెక్టరేట్‌ చెబుతోంది. ఈ నిర్ణయం వల్ల వాహన చోదకులకు, రోడ్డు వినియోగదారులకు ప్రమాదాలు పెరిగేందుకు ఆస్కారం ఏర్పడుతుందని డైరెక్టరేట్‌ అభిప్రాయపడుతోంది.