'చైల్డ్‌ సీట్‌ ఫస్ట్‌' (ముందుగా చిన్నారుల కోసం కారులో ప్రత్యేక సీటు) అనే నినాదంతో సౌదీ నేషనల్‌ ఫ్యామిలీ సేఫ్టీ ప్రోగ్రాంని హెల్త్‌ ఎఫైర్స్‌ - మినిస్ట్రీ ఆఫ్‌ నేషనల్‌ గార్డ్స్‌ అమల్లోకి తీసుకురానుంది. కొత్తగా జన్మించిన చిన్నారులు ఆసుపత్రి నుంచి ఇంటికి వెళ్ళే ముందరే, 'చైల్డ్‌ సీట్‌ ఫస్ట్‌'ని తప్పనిసరి చేయాలనేది ఈ క్యాంపెయిన్‌ ఉద్దేశ్యం. రోడ్డు ప్రమాదాల్లో చిన్నారులు ఎక్కువగా మృత్యువాత పడటం వెనుక, వారికి ప్రత్యేకంగా సీట్లు లేకపోవడమే కారణమని పలు నివేదికలు చెబుతున్నాయి. మొత్తం రోడ్డు ప్రమాదాలు 10,2000లో 70 శాతం మరణాలు ఏడాది లోపు చిన్నారులవే వుంటుండడంతో ఈ క్యాంపెయిన్‌ని సీరియస్‌గా తీసుకుంది సౌదీ ప్రభుత్వం. 5 నుంచి 14 వయసున్న చిన్నారుల మరణాల శాతం 20-30గా నమోదవుతోంది.