యూఏఈ రెసిడెంట్స్‌ గతంలోలాగా ఎక్కువమంది గుమికూడి యూఏఈ నేషనల్‌ డే సెలబ్రేషన్స్‌లో పాల్గొనడం కాకుండా, ఇంటి వద్దనే వుండి సెలబ్రేషన్స్‌లో పాల్గొంటున్నారు. వర్చువల్‌ ఫెస్టివిటీస్‌లో పాల్గొనేందుకు చాలామంది ఉత్సాహం ప్రదర్శించారు. ఆన్‌లైన్‌ వేదికగా కొనుగోళ్ళు, వర్చువల్‌ విధానంలో సంబరాలు.. ఇదంతా కొత్తగా వుందని పలువురు రెసిడెంట్స్‌ అభిప్రాయపడుతున్నారు. ప్రత్యేక పరిస్థితుల్లో ఈ స్టే హోం సెలబ్రేషన్స్‌ జరుగుతున్న దరిమిలా, అథారిటీస్‌కి సంపూర్ణ సహాయ సహకారాలు అందిస్తామని, వారి ఆదేశాల్ని పాటిస్తామని రెసిడెంట్స్‌ అంటున్నారు. ఇంట్లో వున్నా, ఆన్‌లైన్‌ అలాగే వర్చువల్‌ విధానం ద్వారా ఆ లోటు తెలియడంలేదని పలువురు పేర్కొన్నారు. ప్రత్యక్షంగా ఆయా ఈవెంట్స్‌ని చూడలేకపోతున్న తాము, ఇంట్లోనే కూర్చుని వాటిని వీక్షిస్తున్నామని కొందరు చెబుతోంటే, ఇంటి మేడపైనకి వెళ్ళి ఎయిర్‌ షోలను చూస్తున్నట్లు ఇంకొందరు పేర్కొన్నారు. ప్రభుత్వం ఇచ్చిన సూచనల్ని తప్పక పాటిస్తున్నామని భారత వలసదారులైన శ్రేయా చక్రవర్తి చెప్పారు.  

--బాలాజీ(మాగల్ఫ్ ప్రతినిధి,యూఏఈ)