వాట్సాప్ అంటే ఈ రోజుల్లో తెలియని వారు చాలా తక్కువ. ఈ ఇంటర్ నెట్ యుగంలో వాట్సాప్ సంచలనాలు సృష్టిస్తోంది. ఎప్పటికప్పుడు సరికొత్త అప్ డేట్లతో సంచలనాలు సృష్టించే ఈ మెసేజింగ్ యాప్ తర్వలో మరో కొత్త అప్ డేట్ తో యూసర్లకు షాక్ ఇంచ్చేందుకు సిద్ధమైంది. రానున్న ఏడాది ఫిబ్రవరి 8 నుంచి వాట్సాప్ కొత్త నిబంధనలు తీసుకురానుంది. అయితే ఈ నూతన టర్మ్స్‌ అండ్‌ కండీషన్స్‌ను అంగీకరించని వారి ఫోన్లలో వాట్సాప్ పనిచేయదని సంస్థ తన బ్లాగ్ ద్వారా స్పష్టం చేసింది. ఆ టర్మ్స్‌ అండ్‌ కండీషన్స్ స్క్రీన్ షాట్స్ ను వాబీటా ఇన్‌ఫోలో షేర్ చేసింది. ‘నూతన నిబంధనలను అంగీకరించండి లేకపోతే మీ వాట్సప్ ఖాతాను డిలీట్ చేసుకోండి’ అని ఆ స్క్రీన్ షాట్లలో ఉంది.