నందమూరి బాలకృష్ణ నటుడిగానే కాక రాజకీయ నాయకుడిగా అభిమానులకు చాలా దగ్గరగా ఉంటున్నాడు. హిందుపురం నియోజక వర్గం ఎమ్మేల్యే ఈ ఏడాది అక్కడ లేపాక్షి ఉత్సవాలను ఘనంగా నిర్వహించాలని భావిస్తున్నారు. ఈ కార్యక్రమం ఫిబ్రవరి 27, 28 తేదీలలో జరగనుండగా వేడుకకు సంబంధించిన అన్ని పనులను దగ్గరుండి మరి పూర్తి చేయిస్తున్నట్టు తెలుస్తుంది. ఇక ఈ వేడుకలో పలు సాంస్కృతిక కార్యక్రమాలు కూడా ఉండనుండగా, శ్రీకృష్ణ దేవరాయలుగా బాలయ్య సందడి చేయనున్నట్టు సమాచారం. మన తెలుగు సంస్కృతిని, లేపాక్షి గొప్పతనాన్ని వివరిస్తూ బాలయ్య చెప్పిన ఓ ప్రోమో వీడియోను తాజాగా విడుదల చేసారు. దానిపై మీరు ఓ లుక్కేయండి.