మస్కట్:గత ఏడాదిలో నవంబర్ మాసాంతానికి ఒమన్ చిన్న, మధ్య తరగతి పరిశ్రమల అభివృద్ధి విభాగంలో మొత్తం 47,802 చిన్న, మధ్య తరహా పరిశ్రమలు రిజిస్టర్ అయినట్లు జాతీయ గణాంకాలు, సమాచార కేంద్రం వెల్లడించింది. 2019తో పోలిస్తే ఇది 13.4 శాతం ఎక్కువని వివరించింది. కింగ్డమ్ పరిధిలోని మిగిలిన గవర్నరేట్ లతో పోలిస్తే మస్కట్ ఈ గణాంకాల్లో టాప్ పొజిషన్ లో ఉంది. మొత్తం ఎస్ఎంఈలలో మస్కట్ గవర్నరేట్ లో సెప్టెంబర్ చివరి నాటికి  33 శాతం(16,024) నమోదయ్యాయి. నార్త్ అల్ బాటినాలో 16 శాతం(7,536), అల్ ధఖిలియాలో 13 శాతం(6,040), దోఫర్ లో 8 శాతం (3,979) నమోదవగా మిగిలిన గవర్నరేట్ల పరిధిలో 30 శాతం ఎస్ఎంఈలు నమోదయ్యాయి.