మస్కట్:ఒమనైజేషన్ లో భాగంగా ప్రత్యేకించిన కొన్ని రంగాల్లో కొన్నాళ్లుగా స్థానికులకు మాత్రమే ఉపాధి కల్పించాలని నిర్ణయించిన ఒమన్ ప్రభుత్వం..అందుకు అనుగుణంగా మరో ఉత్తర్వులు జారీ చేసింది. ఇక నుంచి పెట్రోల్ బంక్ మేనేజర్లు, అప్టికల్స్, అద్దాల అమ్మకాలలో ఒమనీయులకు మాత్రమే అవకాశం కల్పించాలని ఉత్తర్వుల సారాంశం. అయితే..ఆప్టికల్స్, అద్దాల అమ్మకాల విషయంలో ఇప్పటికే అనుమతులు పొందిన విదేశీయులు తమ అనుమతి గడువు ముగిసే వరకు కార్యకలాపాలు కొనసాగించొచ్చని కూడా మంత్రి కార్యాలయ ఉత్తర్వుల్లో స్పష్టం చేశారు. కాల పరమితి ముగిసే వరకు విదేశీయులకు ఎలాంటి ఆటంకాలు ఉండబోమని స్పష్టం చేశారు.