హైదరాబాద్: తెలంగాణ ఓవర్సీస్ మ్యాన్‌పవర్ కంపెనీ లిమిటెడ్ (TOMCOM) ఆధ్వర్యంలో యునైటెడ్ అరబ్ ఎమిరేట్స్ (యూఏఈ)లోని అబుదాబిలో పనిచేసేందుకు ఆసక్తి గల అభ్యర్థులకు శుభవార్త. సోలార్, ఇన్‌ఫ్రాస్ట్రక్చర్ రంగాల్లో పలు ఉద్యోగాల భర్తీకి టామ్‌కామ్ దరఖాస్తులను ఆహ్వానిస్తోంది.

ఈ నియామకాలలో సివిల్, మెకానికల్, ఎలక్ట్రికల్ సూపర్‌వైజర్లు, ఫోర్‌మెన్లు, అలాగే హెచ్ఎస్ఈ (HSE) ఆఫీసర్ పోస్టులు ఉన్నాయి. ఎంపికైన అభ్యర్థులకు ఆకర్షణీయమైన వేతనంతో పాటు ఇతర అలవెన్సులు అందజేయనున్నట్లు టామ్‌కామ్ తెలిపింది.

అలాగే కంపెనీ తరఫున వసతి, రవాణా సౌకర్యాలు కల్పించడంతో పాటు, దీర్ఘకాలిక కెరీర్ అవకాశాలు కూడా ఉంటాయని పేర్కొంది.

విదేశాల్లో ప్రభుత్వ మద్దతుతో ఉద్యోగం చేయాలనుకునే అర్హులైన అభ్యర్థులు అధికారిక గూగుల్ ఫారమ్ ద్వారా దరఖాస్తు చేసుకోవాలని టామ్‌కామ్ సూచించింది.

దరఖాస్తు లింక్:http://https://forms.gle/V8vzicJ8Dcd2pa1L8

మరిన్ని వివరాలకు సంప్రదించండి:
94400 49861, 94400 50951, 94400 51452