దుబాయ్:ధూమ్ ధామ్ గా జరగాల్సిన్ దుబాయ్ గ్లోబల్ విలేజ్ పై కోవిడ్ ఎఫెక్ట్ పడింది. కోవిడ్ వ్యాప్తి నియంత్రణకు పలు ఆంక్షలు విధిస్తున్న దుబాయ్ ఆరోగ్య శాఖ గ్లోబల్ విలేజ్ లోని ఈవెంట్లకు కూడా పరిమితి విధించింది. గ్లోబల్ విలేజ్ లో షోలు, స్ట్రీట్ ఎంటర్టైన్మెంట్లను రద్దు చేస్తున్నట్లు వెల్లడించింది. అలాగే వీకెండ్ లో నిర్వహించే ఫైర్ వర్క్స్ ను కూడా పూర్తిగా రద్దు చేసింది. ఫిబ్రవరి 3 నుంచి తదుపరి నోటీసులు అమల్లోకి వచ్చే వరకు ఈ కొత్త ఆంక్షలు అమలులో ఉంటాయి. అయితే..మిగిలిన ఈవెంట్లు భౌతిక దూరం పాటిస్తూ యథావిధిగా కొనసాగనున్నాయి. సీటింగ్ డిస్టెన్స్ తో స్పీడింగ్ స్టంట్ ను యథావిధిగా కొనసాగిస్తారు. అన్ని ఆరోగ్య భద్రత ప్రమాణాలతో ప్రపంచశ్రేణిలో గ్లోబల్ విలేజ్ ఏర్పాట్లు ఉన్నాయని, సందర్శకులు ఓపెన్ ఎయిర్ షాపింగ్, డైనింగ్, రైడింగ్ ను ఎంజాయ్ చేయవచ్చని నిర్వాహకులు తెలిపారు. ఇదిలాఉంటే కోవిడ్ వ్యాప్తి నియంత్రణ చర్యల్లో భాగంగా ఇండోర్ ఈవెంట్లు, సినిమా, స్పోర్ట్స్ ఈవెంట్లను 50 శాతం సామర్ధ్యంతో నిర్వహించొచ్చని..అలాగే రెస్టారెంట్లు, కేఫ్ లు 70 శాతం సామర్ధ్యంతో నిర్వహించొచ్చని దుబాయ్ ఆరోగ్య శాఖ ఇప్పటికే ఉత్తర్వులు జారీ చేసిన విషయం తెలిసిందే.