రియాద్:మరో మూడు రోజుల్లో సౌదీలోని పలు ప్రాంతాల్లో ఉరుములతో కూడిన వర్షాలు కురుస్తాయని, ఈ సమయంలో ఈదురుగాలుల ప్రభావం ఉంటుందని జాతీయ వాతావరణ శాఖ హెచ్చరించింది. వాతావరణ శాఖ సూచనలతో పౌర రక్షణ విభాగం కూడా ప్రజలను అప్రమత్తం చేస్తూ ప్రకటన విడుదల చేసింది. సౌదీ రాజధాని రియాద్ తో పాటు మక్కా, మదీనా, తూర్పు ప్రావిన్స్, ఖాసిమ్, తబుక్, హెయిల్, ఉత్తర సరిహద్దు ప్రావిన్స్ లలో తేలికపాటి నుంచి ఓ మోస్తారు వర్షాలు కురుస్తాయని వెల్లడించింది. అయితే..కొన్ని ప్రాంతాల్లో భారీ వర్షాలకు కూడా అవకాశం ఉందని, వరదలకు ఆస్కారం లేకపోలేదని కూడా హెచ్చరించింది. దీన్ని దృష్టిలో ఉంచికొని ఆయా ప్రాంతాల ప్రజలు అప్రమత్తంగా ఉండాలని, వరద ముప్పు నుంచి తప్పించుకునేందుకు సివిల్ డిఫెన్స్ విభాగం సూచనలను పాటించాలని తెలిపింది.