దేశంలోని యువత సైన్స్‌ అండ్‌ నాలెడ్జ్‌ అనే ఆయుధాలను కలిగి ఉండడం దేశానికి మంచిదని ప్రైమ్‌ మినిస్టర్‌ ప్రిన్స్‌ ఖలీఫా బిన్‌ సల్మాన్‌ అల్‌ కలీఫా చెప్పారు.అల్‌ అహిలా యూనివర్సిటీ కొత్త భవన నిర్మాణానికి శంకుస్థాపన చేసిన సందర్భంగా ప్రిన్స్‌ ఖలీఫా ఈ వ్యాఖ్యలు చేశారు. యూనివర్సిటీలు మరియు హై ఎడ్యుకేషన్‌ ఇన్‌స్టిట్యూట్స్‌ అభివృద్ధి పట్ల తమ ప్రభుత్వం చిత్తశుద్ధితో ఉందని ఆయన చెప్పారు. దేశంలోని యూనివర్సిటీలపై అచంచలమైన విశ్వాసం తమకుందని ఆయన అన్నారు. విద్య అత్యవసరమైన విషయంగా తాము భావిస్తున్నామనీ, ఇదే విషయమై ప్రజల్లో చైతన్యం తెచ్చే కార్యక్రమాలు చేపడ్తున్నట్లు ప్రిన్స్‌ ఖలీఫా తెలియజేశారు. అల్‌ అహిలా యూనివర్సిటీ ఫౌండర్‌ ప్రెసిడెంట్‌ డాక్టర్‌ అబ్దుల్లా యూసుఫ్‌ అల్‌ హవాస్‌ కూడా ఈ కార్యక్రమానికి హాజరయ్యారు. మొదటి ఫేజ్‌లో ఈ యూనివర్సిటీ 5000 మందికి, రెండో ఫేస్‌ పూర్తయ్యాక 10,000 మంది విద్యార్థులకు అకామడేట్‌ చెయ్యనుంది.