మస్కట్:కోవిడ్ ని అడ్డుకునేందుకు ప్రతిష్మాత్మకంగా చేపట్టిన వ్యాక్సినేషన్ను ముమ్మరంగా కొనసాగిస్తోంది ఒమన్ ప్రభుత్వం. తొలుత ఫైజర్ కు అనుమతి ఇచ్చిన ఒమన్..ఆ తర్వాత భారత ఉత్పత్తి వ్యాక్సిన్ అస్ట్రాజెనెకాను కూడా ప్రజలకు అందుబాటులోకి తీసుకొచ్చిన విషయం తెలిసిందే. ప్రజల్లో రోగ నిరోధరక శక్తి పెంచేందుకు చేపట్టిన తొలిదశ కోవిడ్ వ్యాక్సిన్ లో భాగంగా సుల్తానేట్ పరిధిలో అస్ట్రాజెనెకాను వేయిస్తున్నారు. ఫిబ్రవరి 7 నుంచి ఇప్పటివరకు అంటే ఐదు రోజుల్లో 8020 మందికి  ఆస్ట్రాజెనెకా వ్యాక్సిన్ వేసినట్లు అధికారులు వివరించారు. ముందస్తుగా నిర్దేశించుకున్న ప్రాధాన్య వర్గాల్లో ఇప్పటివరకు 11 శాతం మందికి టీకా అందినట్లు ప్రకటించారు. 

--లెనిన్ కుమార్(మాగల్ఫ్ ప్రతినిధి,ఒమన్)