దోహా:ఖతార్ లో రానున్న రెండ్రోజులు చలి తీవ్రత పెరిగే అవకాశాలు ఉన్నాయని వాతావరణ శాఖ వెల్లడించింది. రాత్రి వేళల్లో కనిష్ట ఉష్ణోగ్రతలు పడిపోతాయని, రాత్రిళ్లు శీతల వాతావరణం ఉండే అవకాశాలే ఎక్కువని అంచనాగా చెప్పుకోచ్చింది. అయితే పగటి వేళల్లో మాత్రం మేఘాలతో కూడిన వాతావరణం ఉంటుందని, గరిష్ట ఉష్ణోగ్రతలు కూడా పరిమితంగా ఉంటాయని వాతావరణ శాఖ అధికారులు వెల్లడించారు. శుక్రవారం గరిష్ట ఉష్ణోగ్రత 28 డిగ్రీలుగాను, కనిష్ట ఉష్ణోగ్రత 16 డిగ్రీల సెల్సియస్ గాను నమోదవుతాయన్నారు. దుమ్ముతో కూడిన గాలి తీవ్రత కూడా ఉంటుందని, గాలి తీవ్రతకు వాయువ్య దిశలో సముద్రంలో ఆటుపోటులు కనిపిస్తాయన్నారు. శుక్రవారం సముద్ర ఆలలు సాధారణ రోజుల కంటే 8 అడుగులు ఎక్కువగా వస్తాయని, శనివారం రోజున అలలు 6 అడుగుల ఎత్తులో వస్తాయన్నారు. ఈ వారంతంలో దృశ్య సంభావ్యత 4 కిలో మీటర్లుగా ఉండొచ్చని వివరించారు.