స్వల్ప లక్ష్యాన్ని కాపాడుకున్న శ్రీలంక బంతితో రాణించినా.. ఛేదనలో తేలిపోయిన యూఏఈ మీర్పూర్‌: ఆసియాకప్‌ క్వాలిఫయర్‌ మ్యాచ్‌ల్లో వరుస విజయాలతో దూసుకొచ్చిన పసికూన యూఏఈ అసలు సమరంలో మాత్రం చతికిలపడిపోయింది. తొలుత బ్యాటింగ్‌ చేసిన శ్రీలంకను 129 పరుగులకే పరిమితం చేసి సంచలనం సృష్టించేలా కనిపించినా.. లక్ష్య ఛేదనలో బ్యాట్స్‌మెన్లు చేతులెత్తేయడంతో 14 పరుగుల తేడాతో టీ20 మ్యాచ్‌లో ఓటమి పాలైంది. ఒకవైపు మిడిలార్డర్‌ బ్యాట్స్‌మెన్‌ స్వప్నిల్‌ పాటిల్‌ (37: 36 బంతుల్లో 3×4, 2×6) ఒంటరిగా పోరాడినా.