చెన్నై:కోలీవుడ్ స్టార్ హీరో ధనుష్, మారి సెల్వరాజ్‌ దర్శకత్వంలో పీరియాడికల్‌ డ్రామాగా తెరకెక్కిస్తున్న చిత్రం ‘కర్ణన్‌’. కలైపులి థాను నిర్మిస్తున్న ఈ చిత్రం కోసం ఒక ఊరినే నిర్మించేశారు.తాజాగా చిత్రానికి సంబంధించిన ఫ‌స్ట్ లుక్ విడుద‌ల చేసి రిలీజ్ డేట్ కూడా ప్ర‌క‌టించారు.రక్తంతో తడిసిన చేతికి బేడీలు,తలకి గాయంతో రక్త కారుతుండగా, కోపం, ఆవేశం కలగలిపిన లుక్‌లో ధనుష్‌ ఆకట్టుకుంటున్నారు.ఈ సినిమా బానిస సంకెళ్లలో మగ్గుతున్న, అణచివేతకు గురవుతున్న ప్రజల తిరుగుబాటు నేపథ్యంలో సాగుతుందని సమాచారం.ఏప్రిల్‌ 9న ‘కర్ణన్‌’ సినిమాను విడుదల చేయబోతున్నారు.కాగా, అదే రోజు పవర్ స్టార్ పవన్ కళ్యాణ్ నటించిన ‘వకీల్ సాబ్’ సినిమా విడుదల కానుంది.