కువైట్ సిటీ:ఎమిర్ డిక్రీ మేరకు ఆర్టికల్ 106 ప్రకారం నేషనల్ అసెంబ్లీ మీటింగ్స్‌ని ఫిబ్రవరి 18 నుంచి నెల రోజులపాటు వాయిదా వేయడం జరిగింది. కౌన్సిల్ ఆఫ్ మినస్టర్స్ ఈ విషయాన్ని వెల్లడించారు. ఆర్టికల్ 106 ప్రకారం ఎమిర్, డిక్రీ ద్వారా అసెంబ్లీ సమావేశాల్ని నెల రోజులకు మించకుండా వాయిదా వేయవచ్చు. అయితే, సింగిల్ సెషన్‌లో ఈ వాయిదా రిపీట్ అవకూడదు. ఒకవేళ రిపీట్ చేయాలంటే కౌన్సిల్ ఆఫ్ మినిస్టర్స్ అనుమతి తప్పనిసరి. ఒక్కసారికి మాత్రమే అది అనుమతించబడుతుంది. వాయిదా పీరియడ్, సెషన్ పీరియడ్‌తో లెక్కించరాదు. ప్రైమ్ మినిస్టర్ డిజిగ్నేట్ షేక్ సబాహ్ అల్ ఖాలెద్ తన కొత్త ప్రభుత్వ ఏర్పాటు ప్రకటనలో ఆలస్యం కారణంగానే ఇలా జరుగుతోంది. మినిస్టీరియల్ పొజిషన్ విషయమై తలెత్తిన గందరగోళం కారణంగానే ఆలస్యం జరుగుతోందని సమాచారం.