కువైట్ సిటీ:గల్ఫ్ దేశాల్లో కొన్నాళ్లుగా కరోనా వైరస్ తీవ్రత పెరుగుతున్న విషయం తెలిసిందే. ఈ నేపథ్యంలో కువైట్ ప్రభుత్వం మళ్లీ కఠిన నిర్ణయాలు తీసుకోబోతోందా? మరోసారి కువైట్ కర్ఫ్యూ  పరిస్థితులను ఎదుర్కొబోతోందా? కువైట్ అంతర్గత మంత్రిత్వ శాఖ నుంచి వెలువడుతున్న ఉత్తర్వులు, సన్నాహఆలు చూస్తుంటే అలాగే కనిపిస్తోంది. తగ్గిందనుకున్న కోవిడ్ వైరస్ వ్యాప్తి తీవ్రత కువైట్ వ్యాప్తంగా మళ్లీ పెరుగుతూ వస్తోంది. దీంతో సెకండ్ వేవ్ ముప్పు పొంచి ఉందని ఆందోళన వ్యక్తం చేస్తున్న కువైట్ అంతర్గత మంత్రిత్వ శాఖ...దేశంలో ఎలాంటి పరిస్థితులను ఎదుర్కొనేందుకైనా అధికారులు సిద్ధంగా ఉండాలని సూచించింది. ఒక వేళ మళ్లీ కర్ఫ్యూ దిశగా పరిస్థితులు దిగజారినా..అందుకు తగినట్లు సన్నద్దంగా ఉండాలని పేర్కొంది. కుదిరితే పాక్షిక కర్ఫ్యూ, లేదంటే పూర్తిస్థాయిలో కర్ఫ్యూ విధించే అవకాశాలు లేకపోలేదని అభిప్రాయపడింది.