రియాద్:అనేక రంగాల్లో ప్రత్యేకతను చాటుకుంటూ దూసుకెళ్తున్న సౌదీ అరేబియా..సైనిక అవసాలను తీర్చేలా మిలటరీ ఇండస్ట్రీపై కూడా ఫోకస్ చేసింది. మిలటరీ అవసరాలను తీర్చే ఆయుధాలు, ఉత్పత్తులను దేశీయంగానే తయారు చేసేలా దీర్ఘకాల ప్రణాళికను సిద్ధం చేసుకుంది. ఇందుకుగాను రాబోయే దశాబ్దకాలంలో 20 బిలియన్ డాలర్లను ఖర్చు చేయనున్నట్లు వెల్లడించింది. దేశీయంగా మిలటరీ ఇండస్ట్రీని బలోపేతం చేస్తూ సైనిక అవసరాలకు అనుగుణంగా మిలటరీ రీసెర్చ్ అండ్ డెవలప్మెంట్ విభాగాన్ని బలోపేతం చేస్తామన్నారు. 2030 నాటికి మిలటరీ బడ్జెట్ లో దాదాపు 50 శాతాన్ని మిలటరీ ఇండస్ట్రీకే కేటాయిస్తామని కూడా స్పష్టం చేసింది.