బంతితో రాణించిన బంగ్లా బౌలర్లు పేకమేడను తలపించిన యూఏఈ టాప్‌ ఆర్డర్‌ మీర్పూర్‌: ఆసియా కప్‌లో పసికూన యూఏఈ ఆటతీరు మరీ తీసికట్టుగా మారిపోతోంది. మీర్పూర్‌ వేదికగా శుక్రవారం జరిగిన టీ20 మ్యాచ్‌లో యూఏఈ 51 పరుగుల తేడాతో ఆతిథ్య బంగ్లాదేశ్‌ చేతిలో పరాజయం పాలైంది. టాస్‌ ఓడి తొలుత బ్యాటింగ్‌ చేసిన బంగ్లాదేశ్‌ ఓపెనర్‌ మిథున్‌ (47: 41 బంతుల్లో 4×4, 2×6) రాణించడంతో నిర్ణీత 20 ఓవర్లలో 8 వికెట్ల నష్టానికి 133 పరుగులు చేసింది. స్వల్ప లక్ష్య ఛేదనలో యూఏఈ ఏ దశలోనూ కనీసం పోరాట పటిమను కూడా కనబర్చలేకపోయింది.