ముఖంలో ముడతలు మొదలయ్యేది మొదట కళ్లకిందే.. కంటి అడుగున చర్మం సున్నితంగా ఉండటం, ఎక్కువగా పొడిబారడం.. లాంటి కారణాలతో సమస్య మొదలవుతుంది. స్వచ్ఛమైన ఆముదాన్ని కంటిచుట్టూ రాసుకుని పదినిముషాల తర్వాత గోరువెచ్చని నీళ్లతో కడిగేయండి. మంచి ఫలితం ఉంటుంది. * అరటిపండు, తేనె, కొద్దిగా పెరుగులో ఉండే క్యాల్షియం, మెగ్నీషియం, పొటాషియంలు చర్మానికి మంచి పోషణను అందిస్తాయి. ముడతల ప్రభావాన్ని తగ్గిస్తాయి. వీటి మిశ్రమంతో ప్యాక్‌ వేసుకుంటే చాలు.* ఐదారు ద్రాక్షపండ్లు తీసుకుని చేత్తోనే మెత్తగా చిదిమి ఆ గుజ్జును ముఖానికి రాసుకోండి. ఆరాక కడిగేయండి. మగ్గిన టొమాటో గుజ్జుతో కూడా ముడతలను మాయం చేయవచ్చు.