మోహన్ బాబు కుమారుడు మంచు విష్ణువర్థన్ త్వరలోనే దర్శక దిగ్గజం దాసరి నారాయణరావుల కాంబినేషన్లో ఓ చిత్రం తెరకెక్కనున్నట్టు సమాచారం. ఇప్పటికే విష్ణు కోసం కొన్ని కథలను తయారు చేశారట దాసరి. మోహన్ బాబుని ఇటీవలే కలసి ఆ కథలను వినిపించారు. వాటిలో రెండు మోహన్ బాబుకి బాగా నచ్చాయట. ఆ రెండింటిలో ఒకటి తెరకెక్కుతుంది. చాలాకాలం తరువాత ఓ యువ కథానాయకుడితో దాసరి తెరకెక్కిస్తున్న చిత్రం ఇది. యువతను ఆకట్టుకునే కథాంశం కాబట్టి విష్ణుని హీరోగా పెట్టి సినిమా తీయాలని దాసరి భావించారు. వాణిజ్య పరమైన అంశాలతోపాటూ యువతకి ఓ సందేశాన్ని కూడా ఇవ్వాలన్నది దాసరి ఆలోచన.