ఆంధ్రప్రదేశ్ స్టేట్ స్కిల్ డెవలప్‌మెంట్ ఆధ్వర్యంలో మరో ఉద్యోగ ప్రకటన విడుదలైంది. kyungshin industrial motherson pvt ltdలో ఉద్యోగాల భర్తీకి ప్రకటన విడుదల చేశారు. మొత్తం 280 ఖాళీలను భర్తీ చేయనున్నట్లు ప్రకటించారు. అర్హత, ఆసక్తి గల అభ్యర్ధులు ఈ నెల 11లోగా రిజిస్టర్ చేయించుకోవాలని ప్రకటనలో పేర్కొన్నారు. ఎంపికైన అభ్యర్థులు అనంతపురం జిల్లా, హిందూపూర్‌లోని సంస్థ కార్యాలయంలో పని చేయాల్సి ఉంటుంది. ఎంపికైన అభ్యర్ధులకు రవాణా సౌకర్యంతో పాటు, ఉచిత భోజన సదుపాయం కూడా ఉంటుందని ప్రకటనలో పేర్కొన్నారు. అయితే ఈ పోస్టులన్నింటికీ కేవలం పురుష అభ్యర్థులు మాత్రమే దరఖాస్తు చేసుకోవాలని ప్రకటనలో తెలిపారు.

ప్రకటనకు సంబంధించిన వివరాలు.. Associates Special Trainees: ఈ విభాగంలో మొత్తం 200 ఖాళీలు ఉన్నట్లు పేర్కొన్నారు. టెన్త్, ఇంటర్ విద్యార్హత ఉన్నవారు అప్లై చేసుకోవచ్చు. వయసు 18-28 ఏళ్ల మధ్యలో ఉండాలి. ఎంపికైన వారికి నెలకు రూ.8,800 వరకు వేతనం చెల్లిస్తారు. Diploma (Operator&Engineer): ఈ విభాగంలో మొత్తం 50 ఖాళీలున్నాయి. మెకానికల్, ఎలక్ట్రికల్, ఎలక్ట్రికల్, ఎలక్ట్రానిక్స్ విభాగంలో డిప్లొమా చేసిన వారు అప్లై చేసుకునేందుకు అర్షులు. ఎంపికైన వారికి నెలకు రూ.10,500 వరకు వేతనం చెల్లించనున్నారు. అభ్యర్థులు వయసు 18-28 ఏళ్లు ఉండాలి.