న్యూఢిల్లీ:దేశంలో 2022, ఆగ‌స్టు 15న జ‌రుగ‌నున్న 75వ‌ స్వాతంత్ర్య వేడుక‌ల‌ను పుర‌స్క‌రించుకుని 75 వారాలపాటు నిర్వ‌హించత‌ల‌పెట్టిన‌ ‘ఆజాదీ‌ కా అమృత్ మహోత్సవ్’​ కార్య‌క్రామానికి ప్ర‌ధాని న‌రేంద్ర‌మోదీ శ్రీకారం చుట్టారు.ఈ మేర‌కు గుజ‌రాత్‌లోని అహ్మ‌దాబాద్‌లో ఏర్పాటు చేసిన ఓ భారీ కార్య‌క్ర‌మంలో ‘ఆజాదీ కా అమృత్ మహోత్సవ్’​వెబ్‌సైట్‌ను లాంచ్ చేశారు.

అనంత‌రం సబర్మతి ఆశ్రమం వ‌ద్ద జెండా ఊపి  పాదయాత్రను ప్రారంభించారు.దండియాత్ర నిర్వహించి 91 ఏండ్లు అయిన సంద‌ర్భంగా చేప‌ట్టిన ఈ పాద‌యాత్ర కూడా దండి వరకు సాగనుంది. 81 మందితో ప్రారంభ‌మై 25 రోజులపాటు 241 కిలోమీటర్ల మేర‌ యాత్ర జ‌రుగుతుంది.మార్గమధ్యంలో వివిధ వర్గాల ప్రజలు ఈ దండి మార్చ్‌లో భాగస్వామ్యం కానున్నారు.ఈ యాత్ర‌కు కేంద్రమంత్రి ప్రహ్లాద్‌ సింగ్‌ పటేల్‌ నేతృత్వం వహించనున్నారు.