రియాద్:వలసదారులు ముకీమ్ (ఇకామా) డిజిటల్ ఐడీని తమ వెంట వుంచుకోవడం తప్పనిసరి కాదని జనరల్ డైరెక్టరేట్ ఆఫ్ పాస్‌పోర్ట్స్ (జవజాత్) అధికార ప్రతినిథి కెప్టెన్ నాసర్ అల్ ఒతైబి చెప్పారు. మినిస్ట్రీ ఆఫ్ ఇంటీరియర్ కొత్త ఎలక్ట్రానిక్ అప్లికేషన్ అబ్షెర్ జనవరిలో అందుబాటులోకి తెచ్చిన సంగతి తెల్సిందే. ఒరిజినల్ ప్లాస్టిక్ ముకీమ్ కార్డులు లేకుండా, డిజిటల్ ఐడీ ద్వారా జరీమానాలు తప్పించుకునేందుకు ఆస్కారం కల్పించారు వలసదారులకి. ఎలక్ట్రానిక్ విధానం ద్వారా ఆయా వ్యక్తుల వివరాలు తెలుసుకునేందుకు వీలుంటుంది ఆయా సందర్భాల్లో. స్మార్ట్ ఫోన్ల ద్వారా కాపీ డౌన్‌లోడ్ చేసుకుని, ఆ తర్వాత ఇంటర్నెట్ లేకపోయినా ఐడీ చూపించడానికి వలసదారులకు వీలు కలుగుతుంది.