హైదరాబాద్:మహారాష్ట, కర్ణాటక రాష్ట్రాలలో కేసులు పెరుగుతున్న నేపద్యంలో టెలీ కాన్ఫరెన్స్ నిర్వహించిన వైద్య ఆరోగ్య శాఖ మంత్రి ఈటల రాజేందర్.
 
అన్ని జిల్లాల జిల్లా వైద్య మరియు ఆరోగ్య అధికారులతో టెలీ కాన్ఫరెన్స్ నిర్వహించిన వైద్య ఆరోగ్య శాఖ మంత్రి ఈటల రాజేందర్, పాల్గొన్న వైద్య ఆరోగ్య శాఖ కార్యదర్శి రిజ్వీ, వైద్య విద్య సంచాలకులు డా.రమేష్ రెడ్డి సచివాలయం నుండి పాల్గొనగా, ప్రజారోగ్య సంచాలకులు డా. శ్రీనివాస్ టెలీ కాన్ఫరెన్స్ లో పాల్గొన్నారు.
 

పక్క రాష్ట్రాలలో కరోన  కేసులు పెరుగుతున్న నేపద్యంలో పలు కీలక సూచనలు చేశారు. టెస్ట్ ల సంఖ్య ను పెంచాలని సూచించారు. రోజుకు 50 వేల పరీక్షలు చేయాలని ఆదేశించారు. టెస్టింగ్, ట్రేసింగ్, ట్రీటింగ్ విధానం ను పూర్తి స్థాయిలో అమలు చేయాలని ఆదేశించారు. ఎక్కడా లోటు లేకుండా చూడాలని ఆదేశించారు.మహారాష్ట్ర బోర్డర్ జిల్లాలు అయిన నిజామాబాద్, కామారెడ్డి, నిర్మల్, అదిలాబాద్,ఆసిఫాబాద్, మంచిర్యాల, జయశంకర్ భూపాలపల్లి, జగిత్యాల జిల్లాల DMHO లకు ప్రత్యేక ఆదేశాలు జారీ చేశారు.
వాక్సినేషన్ ప్రక్రియ నిరంతరం కొనసాగుతుంది అని తెలిపిన మంత్రి, మిగిలిన గ్రూప్ వారికి కూడా త్వరలోనే వాక్సిన్ వస్తుంది అని ఆశాభావం వ్యక్తం చేశారు.ప్రభుత్వం ఎన్ని చర్యలు తీసుకున్న ప్రజాలక భాగస్వామ్యం తప్పని సరి అని, ప్రజలందరూ సహకరించాలని కోరారు.