కువైట్:కువైట్ లోని జహ్రా మున్సిపాలిటీ పరిధిలో పెద్ద మొత్తం మద్యం సీసాలను గుర్తించారు అధికారులు. సాధారణంగా చేపట్టిన తనిఖీల్లో భాగంగా కార్మికులు ఉంటున్న క్యాంప్ లోనూ అధికారులు సోదాలు నిర్వహించారు. ఈ తనిఖీల్లో స్వయంగా తయారు చేసిన వేల కొద్ది మద్యం బాటిళ్లను గుర్తించారు. మద్యం తయారీకి వినియోగించిన ఇంట్లో సోదాలు నిర్వహించగా లిక్కర్ తయారీ యంత్రాలు ఉన్నట్లు అధికారులు వెల్లడించారు.వేల కొద్ది బాటిళ్లను, మద్యం తయారీ పరికరాలను సీజ్ చేసిన మున్సిపాలిటీ అధికారులు బుల్డొజర్ల సాయంతో లిక్కర్ బాటిళ్లను ధ్వంసం చేశారు.