రియాద్:సౌదీ అరేబియా అథారిటీస్, 9 మిలియన్లకు పైగా యాంఫిటమిన్ పిల్స్ స్మగ్లింగ్ యత్నానికి అథారిటీస్ అడ్డుకట్ట వేశాయి.ఈ మేరకు జనరల్ డైరెక్టరేట్ ఆఫ్ నార్కోటిక్స్ కంట్రోల్ అధికారిక ప్రతినిథి కెప్టెన్ మొహమ్మద్ అల్ నుజైది ఓ ప్రకటన విడుదల చేశారు.సౌదీ అరేబియాలోకి నార్కోటిక్స్ డ్రగ్స్ స్మగ్లింగ్ చేస్తున్న ముఠాలపై ప్రత్యేక నిఘా పెట్టి, ఈ స్మగ్లింగ్ గుట్టుని రట్టు చేశామని అన్నారు. మొత్తం 9,504,000 యాంఫిటమిన్ ట్యాబ్లెట్లను స్వాధీనం చేసుకున్నట్లు చెప్పారు. ఈ కేసులో ఆరుగురు వ్యక్తుల్ని అరెస్ట్ చేయడం జరిగింది. నిందితుల్లో నలుగురు పౌరులు, ఇద్దరు సిరియా జాతీయులు వున్నారు.