నందమూరి హీరో కళ్యాణ్‌ రామ్‌ తన కెరీర్‌లో ఇంతకముందెన్నడు చేయని ఓ డిఫరెంట్‌ రోల్‌ని చేసేందుకు సిద్దమయ్యాడని తెలుస్తుంది. గతేడాది పటాస్‌తో భారీ హిట్‌ని అందుకున్న కళ్యాణ్‌ రామ్‌ తన కెరీర్‌ని పక్కా ప్లానింగ్‌ చేసుకుంటున్నారు. ప్రస్తుతం ఈ హీరో పూరి జగన్నాధ్‌ దర్శకత్వంలో ఓ చిత్రాన్ని చేయనుండగా, ఇందులో కళ్యాణ్‌ రామ్ జర్నలిస్ట్‌ పాత్రను చేయనున్నట్టు తెలుస్తుంది.ప్రేక్షకులకు పక్కా వినోదాన్ని అందించాలనే ఉద్దేశంతో వైవిధ్యమైన సినిమాలలో నటిస్తున్న కళ్యాణ్‌ రామ్‌ పవర్ఫుల్‌ జర్నలిస్ట్‌గా కనిపించనుండగా , ఈ సినిమాపై భారీ అంచనాలు ఉన్నాయి. తన సొంత బ్యానర్‌ అయిన నందమూరి ఆర్ట్స్‌ బ్యానర్‌పై కళ్యాణ్ రామ్‌ ఈ చిత్రాన్ని నిర్మించనుండగా, 'రీమిక్స్‌' అనే టైటిల్‌ను పరిశీలిస్తున్నట్టు సమాచారం.ఇంక ఈ చిత్రంలో హీరోయిన్‌గా ఎక్స్‌ప్రెస్‌ రాజాతో హిట్‌ అందుకున్న నార్త్‌ ఇండియన్‌ బ్యూటీ సురభిను ఎంపిక చేసే పనిలో ఉన్నారు.