కువైట్ సిటీ: రోడ్డుకు ఇరువైపుల‌, పార్కింగ్ కోసం నిర్దేశించిన ప్రాంతాల్లో కాకుండా ఇష్టానుసారంగా వాహ‌నాల‌ను పార్క్ చేయ‌వ‌ద్ద‌ని అధికారులు ఎంత‌గా చెప్పినా కొంద‌రు పెడ‌చెవిన పెడుతున్నారు.రోడ్డు ప‌క్క‌ల చాలా కాలంగా పార్క్ చేసిన వాహ‌నాల‌తో సిటీ ఇమేజ్ డ్యామేజ్ అవుతోంద‌ని...వాటిని వెంట‌నే తొల‌గించాల‌ని ఓన‌ర్ల‌కు సూచించినా ప‌ట్టించుకోవ‌టం లేదు. దీంతో ఫార్వానియా గ‌వ‌ర్న‌రేట్లోని అరియా ప్రాంతాల్లో కొంతకాలంగా పార్క్ చేసి ఉన్న 24 వాహ‌నాల‌ను మున్సిపాలిటీ అధికారులు స్వాధీనం చేసుకున్నారు.రోడ్ వ‌ర్క్స్ , ప‌బ్లిక్ క్లీనింగ్ డిపార్ట్మెంట్ స‌హ‌కారంతో ఈ డ్రైవ్ చేప‌ట్టారు. పార్క్ చేసిన వాహ‌నాల‌ను వాటి ఓన‌ర్లు అలాగే వ‌దిలివేయ‌టంతో త‌మ‌కు ఇబ్బందిగా మారింద‌ని స్థానికుల నుంచి ఫిర్యాదులు రావ‌టంతో మున్సిపాలిటీ అధికారులు ఈ మేర‌కు చ‌ర్య‌లు చేప‌ట్టారు.